Кениядан 2018 йилги қитъа чемпионатига мезбонлик қилиш ҳуқуқи олиб қўйилди

Кения давлатидан 2018 йилги Африка Миллатлар чемпионатига мезбонлик қилиш ҳуқуқи олиб қўйилди.

Африка Футбол Конфедерациясининг бугунги қарорига кўра, Кенияда ушбу чемпионатга тайёргарлик ишлари жуда суст тарзда олиб борилмоқда ва шу сабабли мусобақа бошқа давлатда ташкил этилади.

Келаси йил аввалида бўлиб ўтиши режалаштирилган футбол беллашувлари учун Кенияда атиги биттагина стадион тайёр ҳолатга келтирилган, холос. Турнирга муносиб тарзда тайёргарлик кўриш ортга сурилиб кетишига мамлакатдаги сиёсий инқирозлар сабаб бўлган.

Маълумот ўрнида, Африка қитъасида мавқейи жиҳатидан иккинчи ўринда турадиган ушбу чемпионатда маҳаллий чемпионатларда иштирок этаётган футболчилар иштирок этади.