Кейн: Мен дунёнинг исталган жамоасига гол ура оламан

Лондоннинг "Тоттенхэм" клуби ҳужумчиси Харри Кейн кеча Чемпионлар лигаси гуруҳ босқиси илк турида Дортмунднинг “Боруссия” жамоаси дарвозасини ишғол этди. Англиялик футболчининг сўзларига кўра ушбу гол унинг ўзига бўлган ишончини янада оширди.

“Жаҳон даражасига етишдимми? Менимча, бунинг учун яна олдимда узоқ йўл турибди. Мен эришган барча нарсамдан фаҳрланаман ва янада юқори натижаларни қайд этишга ҳаракат қиламан.

“Боруссия”га қарши баҳс бутун “Тоттенхэм” учун ажойиб бўлди, шу қатори мен учун ҳам. Мен ўз вазифамни бажаришда давом этишим ва жамоамга фойда келтиришим керак.

Менимча, нафақат Европанинг, балким, дунённг исталган жамоасига гол ура оламан. Мен ўз кучимга ишонишим ва бу ишончни қолган шерикларимга ҳам бера олишим керак. Ана шундагина ҳаммаси яхши бўлади”, - дейди Кейн.