Киев шаҳри ҳокимияти Чемпионлар лигаси финали учун қанча харажат қилади?

Хабарингиз бор, 2017/18 йилги УЕФА Чемпионлар лигаси финалига Киев шаҳри мезбонлик қилади. Ушбу мусобақани ўтказиш учун шаҳар ҳокимияти қанча маблағ сарф этишлари маълум бўлди.

УЕФА ҳамда финалга мезбонлик қилувчи шаҳар ўртасида имзоланган шартномага кўра 25 млн гривен (таҳминан 800 минг евро)  сарфланиши керак.

Бундан ташқари, Украина пойтахти “Жуляни” аэропорти фаолиятини янада яхшилаши, ташриф буюрувчиларни тантанали кутиб олиши ва албатта хавфсизликка тўлиқ жавоб бериши керак.

Эслатиб ўтамиз, ЕЧЛ финали 2018 йилнинг 26 май куни Киевдаги «Олимпийский» стадионида бўлиб ўтади.