Клопп Гётцени "Ливерпул"га чақирмоқда

Дортмунднинг “Боруссия” клуби вингери Марио Гётце мавсум якунлангач Англия премьер-лигасига кўчиб ўтиши мумкин.

The Sun нашрининг хабар беришича “Ливерпуль” клуби Германия терма жамоаси аъзосига жиддий қизиқиш билдирмоқда ва олинган маълумотларга кўра мерсисайдликлар аллақачон “Боруссия”га расмий таклиф билан чиқишган. Унга кўра “Ливерпуль” 24 ёшли футболчига 23,5 миллион евро таклиф қилган.

Таъкидлаш керакки, амалдаги жаҳон чемпионига шахсан “қизиллар” бош мураббийи Юрген Клопп жиддий қизиқмоқда. Эслатиб ўтамиз, Гётце ва Клопп ўз вақтида “Боруссия Д”да бирга фаолият олиб боришган.