Клопп “Ливерпул”га 19 ёшли даниялик форвардни олиб келмоқчи

“Ливерпуль” клуби бош мураббийи Юрген Клопп Амстердамнинг “Аякс” жамоасининг 19 ёшли форварди Каспер Дольбергни кўз остига олиб қўймоқда.

“Ким Дольбергни билмайди? Балким, “Аякс” сафида ўйнаб, эътибордан четда қолиш мумкиндир. Аммо, Касперни порлоқ келажак кутиб турибди. У фантастик футболчи.

Шахсан менга даниялик футболчилар ёқади. Масалан, “Майнц”да ишлаб юрган чоғларимда Леон Андреасен деган даниялик футболчим бўларди. У ҳақиқий монстер эди”, - дейди германиялик мутахассис Ekstra Bladet нашрига берган интервьюсида.

Эслатиб ўтамиз, аввалроқ Дольбергга "Манчестер Сити", "Челси" ва "Эвертон" каби жамоалар қизиқиш билдираётгани ҳақида хабарлар тарқалган эди. Энди бу курашга “Ливерпуль” ҳам қўшилмоқчи.