Конте Диего Костани “Челси” машғулотларига қайтарди

“Челси” жамоаси ҳужумчиси Диего Коста сўнгги икки кун давомида клуб футболчиларидан алоҳида машғулот ўтаётганди.

Daily Mail нашрининг маълум қилишича, Лондон клуби устози Антонио Конте Диего Костага барча футболчилар билан шуғулланишга рухсат берди.

Аввалроқ Коста ва Конте урушиб қолган ҳақида хабар берилганди. Кейинроқ “Челси” футболчилари ҳужумчига мураббийдан узр сўрашни сўраган.

Ўз навбатида италиялик мутахассис ҳеч қандай можаро бўлмаганини таъкидлаб, Коста белидаги оғриқ туфайли алоҳида машғулот ўтаган.

Можаролар бошланган бир вақтда "Барселона" ва "Атлетико" жамоалари Диего Костага қизиқиш билдирганди.