Коутиньо қишда ҳам "Барселона"га ўтмайди

Англиянинг “Ливерпуль” клуби ярим ҳимоячиси Филиппе Коутиньо қишки трансферлар даврида ҳам “Барселона”га ўтмайди. Бу ҳақда Marca нашри хабар бермоқда.

Таъкидлаш керакки, Каталония супер клуби бразилиялик хавбекни мавсумлар оралиғида сотиб олишга ҳаракат қилиб кўрган эди. Аммо, мерсисайдликлар “Барса”нинг бу борадаги таклифига рад жавобини беришди ва шундан сўнг каталонияликлар футболчининг сотилмаслини тушуниб етишди.

Жорий ҳафта Чемпионлар лигасида “Севилья”га қарши баҳсда иштирок этган Коутиньо энди бошқа жамоа сафида ушбу мусобақада ўйнай олмайди. Айнан шундан сўнг унинг “Барселона”га ўтмаслиги ҳам ойдинлашди.