"Кристал Пэлас" футболчиси ҳибсга олинди

“Кристал Пэлас” клуби ярим ҳимоячиси Жейсон Панчеон кеча тонгда тунгги клубларнинг бири ёнида ҳибсга олинди.

Sky Sports нашрининг маълум қилишича 31 ёшли футболчи жамоат тартибини бузган ва ёнидаги тажовузкор қурол билан ҳужум қилган. Кейинроқ Панчеон гаров эвазига озод этилган. Бироқ, энди унга келаси йилнинг 5 январь куни бўлиб ўтадиган суд мажлисида қилган жиноятига яраша жазо тайинланади.

Маълумот учун, Панчеон жорий мавсум Англия премьер-лигасида жами 9та учрашувда иштирок этган.