Кристиан Гросс: “Бунёдкор”нинг йўқотадиган нарсаси йўқ, биз эса 3 очко ишлаш учун келдик

Осиё Чемпионлар Лигаси “С” гуруҳи 5-туридан ўрин олган Тошкентнинг “Бунёдкор”  ва Саудия Арабистонининг “Ал-Аҳли”клублари ўртасидаги учрашувдан олдин ўтказилган матбуот анжуманида меҳмонлар бош мураббийи Кристиан Гросс ўз фикрларини билдирди.

• Сергей Лушчан: “Бунёдкор” футболчилари руҳий жиҳатдан ўйинга тайёр

“Эртанги ўйин биз учун жуда муҳим саналади, сабаби мусобақанинг гуруҳ босқич ўйинлари якунига етай деб қолди. Тўғри, “Бунёдкор” муддатидан аввал ОЧЛ плей-офф босқичига чиқиш имкониятини йўққа чиқарди, аммо бу улар осонлик билан таслим бўлади дегани эмас. Улар эртага престиж учун ўйнайди. Тошкентга 3 очко олиш учун келдик. Ҳеч нарса йўқотмайдиган жамоа бор кучини бериб ҳаракат қилади”, – деди Кристиан Гросс.

Эслатиб ўтамиз, “Бунёдкор” – “Ал-Аҳли” учрашуви эртага, 24 апрель куни пойтахидаги “Бунёдкор” стадионида бўлиб ўтади. Ўйин соат 19:00 да бошланиши кўзда тутилган.