Кристина қозоғистонлик теннисчининг сенсация қилишига йўл қўймади
Россиянинг Санкт-Петербург шаҳрида ташкил этилган мукофот жамғармаси 710900 АҚШ доллари бўлган "St. Petersburg Ladies Trophy - 2017" халқаро турнирида Қозоғистон номидан ўйнаётган Юлия Путинцева кетма-кет кучли рақибаларини мағлубиятга учратиб, шов-шувли тарзда финалга чиқди.
Юлия Путинцевага финал учрашувида фарнциялик Кристина Младенович қаршилик қилди. Бу баҳсда Кристина Младенович ҳам ютқазиб қўйишига бир баҳя қолди. Бироқ, тажрибасини ишга солган теннисчи бир амаллаб мағлубиятдан қутилди.
Учрашувда 6:2, 6:7, 6:4 ҳисобида зафар қучган Кристина Младенович янги мавсумдаги дастлабки совринига эга бўлди.
Фикрлар