Кучига ишонган Головкин тўртинчи камарни сўраяпти

20 март, 20:55 755

Кучига ишонган Головкин тўртинчи камарни сўраяпти

Профессионал бокснинг WBA (Super), WBC ва IBF йўналишлари бўйича ўрта вазн чемпиони Геннадий Головкин 18 март куни америкалик Дэниэл Жейкобсни очколар ҳисобида мағлубиятга учратиб, ўз унвонларини муваффақиятли ҳимоя қилди.

Ушбу жангдан сўнг Геннадий Головкин ўзининг навбатдаги режасини ошкор қилди.

- Мен ўрта вазнда барча чемпионлик камарларини қўлга киритмоқчиман, - деди Геннадий Головкин. - Менга керак бўлган сўнгги камар Билли Жо Сондерсда. Ўша камарни олиш менинг асосий мақсадим.

Геннадий Головкин профессионал рингда 37 та учрашувнинг барчасида ғалаба қозонган. 33 та жангда рақибларини нокаутга учратган.

SPORTS.uz