Куртуа "Реал" дарвозасини қўриқлаши мумкин

Лондоннинг “Челси” клуби дарвозабони Тибо Куртуа фаолиятини “Реал”да давом эттириши мумкин.

Marca нашри тарқатган хабарга кўра бельгиялик посбон яна Испанияга қайтишни истамоқда ва агар “Реал” унга таклиф билан чиқса у буни кўриб чиқишга тайёр.

Маълумот учун, Куртуа “Челси”га ўтгунига қадар Мадриднинг “Атлетико” клуби дарвозасини қўриқлаган. Унинг “аристократлар” билан амалдаги шартномаси 2019 йилга қадар имзоланган.