Кутилмаган бурилиш: Мбаппе ПСЖ учун “Реал”дан воз кечди

Франциянинг “Монако” клуби ҳужумчиси Килиан Мбаппе ПСЖ футболчисига айланиш учун “Реал Мадрид” клубидан тушган таклифни рад этди.

L’Equipe нашрининг хабар беришича, ПСЖ вакиллари Килиан Мбаппе борасида “Монако” билан музокара бошлаган. Аввалроқ парижликлар 18 ёшли ҳужумчи билан шахсий келишувга эришгани ҳақида хабар берилганди.

Манбанинг таъкидлашича, Париж клуби вакиллари франциялик ёш иқтидор эгаси бўйича расмий таклиф билан чиқади. “Монако” ўз футболчисини 180 миллион евро эвазига сотишга тайёр ва ПСЖ сўралаётган пулни тўлашга қарши эмас.

Маълум вақт муқаддам Мбаппе катта эҳтимол билан фаолиятини “Реал”да давом эттириши бир неча бор айтилганди.