Ла лигада энг кўп ўйин ўтказган “Барселона” футболчилари

Ўтган дам олиш кунлари Испания Ла лигасининг 23-тур ўйинлари бўлиб ўтди. “Барселона” жамоаси “Леганес”га қарши баҳс олиб борди ва 2:1 ҳисобида ғалаба қозонди. Эътиборлиси, мазкур ўйинга заҳирадан қўшилган Андреас Иньеста ўзининг “Барселона” сафида Ла лигадаги 400 ўйинини ўтказди. Шу муносабат билан эса биз бу борада Иньеста кимлардан олдинда ёки кимлардан ортда қолаётганини аниқлашга ҳаракат қилдик. Демак, Ла лигада энг кўп ўйин ўтказгаб “Барселона” футболчилари.

Клаттенбург ҳақида ҳақиқатлар

Дўстига ҳиёнат қилган футболчи ҳақида

5. Виктор Вальдес – 387

Вальдес 2002-2014 йилларда давомида “Барселона” дарвозасини қўриқлаган ва мазкур жамоа билан 21 та жамоавий ва 8 та шахсий совринни қўлга киритган. Умуман Вальдес “Барса” либосида 533 ўйин ўтказган. Шулардан 387 таси Ла лига ўйинларига тўғри келади ва рейтингимизнинг 5-ўринида айнан Вальдес турибди.

Англия жамоалари ўтган асрда қандай либосларда ўйнашган?

4. Мигели – 391

70-80 йилларда тўп сурган Мигели “Тарзан” лақабига эга бўлган. Барчангиз яхши биласизки, Карлес Пуйолда ҳам ҳудди шундай –лақаб мавжуд. Мигели “кўк-анор ранглилар” сафида 549 учрашув ўтказган ва шуларнинг 391 таси Ла лигага тўғри келади.  “Барса” билан икки бор Испания чемпиони бўлган Мигели ўзининг “блаугранаслар” сафидаги ҳайрлашув учрашувини 1989 йилнинг 5 сентябрида Болгария терма жамоасига қарши ўтказган. “Камп Ноу”да муҳлислар ўз суюклилари билан муносиб тарзда ҳайрлашган эдилар.

3. Карлес Пуйол – 392

Пуйол – “Барса” ҳимоячилари учун “эталон” саналади. 1999 йил асосий жамоада дебют қилган Карлес “Барселона” билан олти бор Ла лигада зафар қучади. Умуман олганда Пуйол мазкур мусобақада 392 учрашув ўтказган ва “Барселона” футболчилари орасида бу борада 3-ўринда зикр этилади.

2. Андреас Иньеста – 400

2002 йил ЕЧЛда “Брюгге” жамоасига қарши белллашувда клуб сафида дебют қилган Иньеста Испаниялик энг совриндор футболчи саналади. Андреас “блаугранаслар” билан 27 та трофейга эга чиқади. Иньеста Ла лигада 400 та ўйин ўтказиши учун унга 15 йил керак бўлди. Жамоа сардори биринчи ўриндаги Хавини ортда қолдириши учун камида 2020 йилгача ҳозирги формасини сақлай билиши керак.

1. Хави – 505

Бу инсонни барча бирдек ҳурмат қилади. Зеро, у ўзининг оғир ва босиқлиги билан қолганлардан ажралиб туради. Бугунги кунда Қатарнинг “Ал-Садд” жамоасида ўйнаётган испаниялик футболчи “Барселона” таркибида 767 ўйин ўтказган бўлиб, жамоа билан 25 та совринга эга чиққан. 767 ўйиннинг 505 таси Испания чемпионати ўйинларига тўғри келади. Айтиш жоиз, Хави томонидан ўрнатилган рекордлар бирин-кетин “қулатилқмоқда”.

Шаҳзод Холбоев тайёрлади