Легионерлар: Максимилиан Фомин жамоаси мағлубиятга учради

Уммон чемпионати 15-турида ўзбекистонлик футболчи Максимилиан Фомин тўп сураётган “Саҳам” клуби ўз майдондида турнир пешқадами “Ал-Шабоб” клубини қабул қилди.

Голларга бой кечган ўйинда 1:3 ҳисоби қайд этилиб, “Ал-Шабоб” фойдасига ҳал бўлди. Ҳамюртимиз ушбу беллашувда асосий таркибда майдонга тушди.

Мазкур ғалабадан кейин “Ал-Шабоб” очколари сонини 32 тага етказиб, пешқадамликни мустаҳкамлаб олди. “Саҳам” 21 очко билан 6-ўринда қолиб кетди.