Легионерларимиз. Кримец ниҳоят…

19 май, 18:57 223

Бугун Хитой Супер лигасида 10-тур ўйинларига старт берилди. Ўзбекистон миллий терма жамоаси ҳимоячиси Егор Кримец фаолият олиб борадиган “Бейжинг Гуоан” клуби ўз майдонида “Гуангжоу R&F” клубига қарши баҳс юритди.

Анчагина голларга бой тарзда ўтган ўйинда “Бейжинг Гуоан” сўнгги дақиқаларда мағлубиятдан қутулиб  қолди – 2:2. Биз учун эътиборли жиҳати Кримец ушбу ўйинни асосий таркибда бошлади. Бундан олдин ўтказилган 9 та ўйинда пойтахтликлар устози Хосе Гонсалес ҳамюртимизни қайдномага ҳам киритмай келаётган эди. Испаниялик мутахассисга Кримецнинг ўйини манзур келмади шекилли, уни 58-дақиқада алмаштирди. Бу вақтда “Бейжинг Гуоан” 0:2 ҳисобида имкониятни бой бераётган эди.

Хитой Супер лигаси. 10-тур

Бейжинг Гуоан - Гуангжоу R&F 2:2(0:0, 2:2)

Голлар: 0:1 – 52  Захави, 0:2 – 54 Хиао Жи, 1:2 – 68 Жанг Чиминг, 2:2 – 90+4 Сонг Бохуан .