Левандовски Польша ва Европа тарихига кирди

Бундан бироз олдин Европа қитъасида ЖЧ-2018 саралашидан ўрин олган икки ўйин якунига етди.

Польша терма жамоаси сафарда Арманистонни 6:1 ҳисобида мағлуб этди.

Эътиборлиси, ушбу ўйинда киритилган 6 голнинг 3 тасига Роберт Левандосвки киритди. Шу тариқа, унинг ушбу саралаш сикли давомида киритган голлари сони 15 тага етди ва у Герд Мюллер ҳамда Криштиану Роналдулар томонидан ўрнатилган рекордни янгилади.

Айнан улар ЖЧнинг Европа қитъасидаги бир саралаш циклида энг кўп тўп киритган футболчилар саналишар эди – 14 та гол билан.

Левандовски эса бу борада улардан ўзиб кетди.

Бундан ташқари унинг Польша термаси либосидаги голлари сони 50 тага етди ва Польша терма жамоаси тарихидаги энг яхши тўпурарга айланди.