"Ливерпуль" Коутиньонинг ўрнига муносиб номзод топди

“Ливерпуль” клуби раҳбарияти Амстердамнинг “Аякс” жамоаси ярим ҳимоячиси Хаким Зиешга жиддий қизиқиш билдира бошлашди. Бу ҳақда Talksport нашри хабар бермоқда.

Юқоридаги манбаанинг ёзишича мерсисайдликлар ҳозирча бу борада голландияликларга расмий таклиф билан мурожаат қилишмаган. Айтиш лозимки, “Ливерпуль” 24 ёшли марокашлик футболчига тез орада “Барселона”га кетиши кутилаётган Фелиппе Коутиньонинг ўрнига муносиб номзод сифатида қарамоқда.

Маълумот учун, Зиеш ўтган мавсум Голландия чемпионатининг жами 28та баҳсида майдонга тушиб, ўз ҳисобига 7та гол ҳамда 11та голли узатма ёздириб қўйишга эришган.