“Ливерпуль” Виржил ван Дейк учун 60 млн евро сарфлашга тайёр

“Саутгемптон” жамоаси ҳимоячиси Виржил ван Дейк ўз фаолиятини “Ливерпуль” клубида давом эттиришга яқин турибди.

“Авлиёлар” раҳбарияти 25 ёшли голландиялик футболчини сотиш нияти йўқ, аммо “Ливерпуль” ҳимоячи учун нақд 60 миллион евро таклиф этмоқда. Бу таклифдан воз кечиш осон бўлмайди.

Ван Дейк мерсисайдликлар сафига қўшилса, ҳафтасига 200 минг евро маош олиши кўзда тутилган. Футболчининг ўзи “Ливерпуль”га ўтишга қаршилик қилмаяпти.

Қайд этиш керакки, Виржил ван Дейк хизматларига “Челси”, “Манчестер Сити”, “Вест Хэм” каби клублар қизиқиш билдирмоқда.