"Ливерпуль" ҳимоячиси 3 ой майдонга туша олмайди

Англиянинг “Ливерпуль” клуби ҳимоячиси Натаниэль Клайн белидан операция қилинди.

Sky Sports нашри тарқатган хабарга кўра жорий мавсум бирорта ҳам учрашувда иштирок этмаган 26 ёшли футболчининг сафга қайтиши учун 3 ой муддат талаб этилади.

Эслатиб ўтиш лозимки, Клайн мавсумлар оралиғида ўтказилган “Транмер”га қарши ўртоқлик ўйинида жароҳат олган эди.