“Локомотив” Александр Гейнрих жамоасига қарши ўйин ўтказади

 

Янги мавсумга тайёргарликнинг ҳал қилувчи босқичини Анталияда олиб бораётган “Локомотив” бугун майдонда машғулот ўтказди. “Темирйўлчилар” югуриш ва чигалёзди машқларидан сўнг тўп билан ишлашга ўтишди. Бу ҳақда клуб расмий сайти хабар бермоқда.

Айтиш мумкинки, машғулотнинг катта қисми тўп билан ишлашга қаратилди. Бугунги машғулотда уч нафар футболчи – Икром Алибоев, Диёр Туропов ҳамда Тимур Усмонов жароҳати боис алоҳида шуғулланишди. Қолган футболчилар эса жамоа билан биргалик машғулот ўтказишди.

“Локомотив” Туркиядаги учинчи ўртоқлик учрашувини 10 февраль куни “Ордабаси” (Қозоғистон)га қарши ўтказади. Эртага жамоанинг ўйинолди машғулоти бўлиб ўтади.

Фикрлар

Фикр қолдириш учун авторизациядан ўтинг!