"Локомотив" ОЧЛни мағлубият билан бошлади

Ўзбекистон чемпиони - “Локомотив” Осиё чемпионлар лигасида Саудия Арабистонининг “Ал Таавон” жамоаси меҳмони бўлди.

Мезбонларнинг устунлигида ўтган баҳс 1:0 ҳисоби билан якунланди. Хусусан,ўйиннинг биринчи бўлими 0:0 ҳисоби билан тугаган бўлса, баҳснинг 68-дақиқасида Талал Ал-Абси бурчак зарбасидан узатилган Нестеров қўриқлаётган дарвозага аниқ жойлаб қўйди.

Қайд этиш жоиз, бурайраликлар ушбу ғалабадан сўнг, “А” гуруҳида пешқадамга айланиб олишди. “Локомотив” эса ўз навбатида, тўртинчи ўринни эгаллаб турибди.