Лука Модрич: Роналдунинг бу мавсумдаги дебюти омадли келишига ишонаман

Мадриднинг “Реал” клуби ярим ҳимоячиси Лука Модрич бугун майдонга тушиши кутилаётган Криштиану Роналду борасида гапириб ўтди. Бу ҳақда клуб матбуот хизмати хабар бермоқда.

- Роналду мана 5-турга келиб Испания чемпионатида майдонга тушади. У Ла Лига ўйинларини соғинганди. Криштиану чемпионат учрашувларига янада кучли бўлиб қайтиш учун астойдил ҳаракат қилди. Бугун унинг янги мавсумдаги дебюти омадли бўлишига ишонамиз, - дейди Модрич.

Эслатиб ўтамиз, “Реал” – “Бетис” баҳси бугун тунда 01:00да бошланади.