Лукаку Контени алдаб, МЮга ўтгани маълум бўлди

Лондоннинг “Челси” клуби бош мураббийи Антонио Конте “Эвертон”дан МЮга ўтиб кетгани учун Ромелу Лукакудан ҳафа.

The Times нашрининг маълум қилишича, музокаралар даврида италиялик мутахассис Лукаку билан шахсан бир неча марта учрашган. Ўз навбатида бельгиялик футболчи ҳам “Челси”га ўтишига Контени ишонтирган.

Айтиш керакки, Лукаку трансферининг амалга ошмай қолишига асосий сабаб сифатида “Челси” футболчининг агенти Мино Райолага етарли компенсация пулини тўламаганлиги тилга олинмоқда.

Эслатиб ўтамиз, Лукакунинг "Манчестер Юнайтед"га кўчиб ўтиши премьер-лига тарихидаги энг қиммат трансфер бўлди.