Лукаку: Суарес? Левандовски? Айни дамда мени бу футболчилар билан тенглаштириш қийин

Англиянинг “Эвертон” клуби форварди Ромелу Лукакунинг сўзларига кўра ҳали уни дунёнинг энг зўр ҳужумчиларидан бири дейиш тўғри эмас.

“Луис Суарес? Роберт Левандовски? Айни дамда мени бу футболчилар билан тенглаштириш қийин. Улар Чемпионлар лигасида ўзларини кўрсатишмоқда.

Чунки, айнан Чемпионлар лигаси ўзимни кучли ҳужумчилар қаторига киритилишимни исботлашга энг яхши имконият.

Мен ўзимни 100 фоиз премьер-лиганинг энг зўр ҳужумчиларидан бириман дея оламан. Аммо, яқин келажакда ўзимни нималарга қодир эканлигимни катта мусобақаларда кўрсатмоқчиман”, - дейди бельгиялик футболчи Sky Sports нашрига берган интервьюсида.

Эслатиб ўтамиз, Лукаку жорий мавсум премьер-лигада 17та гол уришга мувоффақ бўлди ва бу борада “Тоттенхэм” ҳужумчиси Харри Кейн ва “Арсенал” форварди Алексис Санчеслар билан бирга мусобақада тўпурарлик қилмоқда.

Аввалроқ, Фабио Каннаваро Лукакуни Хитойга олиб кетмоқчи эканлиги ҳақида хабарлар тарқалган эди.

Фикрлар

Фикр қолдириш учун авторизациядан ўтинг!