Ляказеттни Англияда нималар ҳайратга солди?

Мавсумлар оралиғида “Лион”дан “Арсенал”га кўчиб ўтган ҳужумчи Александр Ляказетт ўзининг Англия ва инглиз футболи ҳақидаги таассуротлари ҳақида гапириб ўтди.

“Менга Лондон ёқди, бироқ бу ернинг об-ҳавосини зўр демаган бўлардим. Ҳозир инглиз тилини ўрганяпман. Агар АПЛни Франция чемпионати билан солиштирадиган бўлсам, бу ерда яхши ҳужумчилар жуда кўп. Масалан, Харри Кейн, Ромелу Лукаку, Серхио Агуэро, Габриэль Жезус, Жейми Варди, Альваро Мората. Шу боис “Олтин бутса” учун жиддий кураш кечади деб ўйлайман”, - дейди франциялик футболчи The Independent нашрига берган интервьюсида.