Лёв: Гётце кучли рақибларга гол уришни билади

Германия терма жамоаси бош мураббийи Йоахим Лёв айни дамда Дортмунднинг “Боруссия”сида “сермахсуллиги” сабаб кўплаб танқидларга учраётган ҳужумчи Марио Гётцега ишонч билдиришда давом этишини айтди.

“Гётце учрашувда ҳал қилувчи ролни ўйнаши мумкин. Марио супер ҳужумчи эмас, аммо,  у ҳужумларни асосан гол билан якунлайди. Гётце кучли рақибларга гол уришни билади. Унинг иқтидори бор. Мана шунинг учун ҳам уни терма жамоа ўйинларига жалб этаман”, - дейди Лёв Kicker нашрига берган интервьюсида.

Эслатиб ўтамиз, аввалроқ Юрген Клопп эски шогирдини "Ливерпул"га чақираётганлиги ҳақида хабарлар тарқалган эди.