"МЮ" 100 миллион еврога ололмаган футболчи ким?
"Манчестер Юнайтед" клуби раҳбарияти доимо ўзига керакли бўлган футболчиларни қўлга киритиб ўрганган. Бу борада манчестерликлар қатор клубларнинг йиллик бюджетидан кўп маблағни битта футболчи усун сарфлаб юбориши жаҳон футболи тарихида бир неча маротаба кузатилган.
Лекин "Манчестер Юнайтед" ўта катта маблағ эвазига ололмаган футболчи ҳам бор экан.
Бу "Бавария" аъзоси Томас Мюллердир. "Бавария" молия директори Ян-Кристиан Дреесен бу ҳақида гапириб берди.
- Бир марта Англиядан факс келди, - дейди Ян-Кристиан Дреесен. - Унда Томас Мюллерга 100 миллион евро таклиф қилинган эди. Бироқ биз буни ўйлаб ҳам кўрмадик. Биз катта маблағ оламиз деб, жамоа салоҳиятини пасайтириб юбормадик.
Шунингдек, Ян-Кристиан Дреесен Хитой клубларининг ақлбовар қилмас трансферлари ҳақида гапирар экан, жаҳон футболида бунақа воқеалар илгари ҳам кузатилганини ва вақти келиб, нархлар яна ўз изига тушишини айтди.
Фикрлар