"МЮ" билан шартномаси тугаётган Иброҳимович бир қарорга келди
Ўтган йили ёзда "Манчестер Юнайтед" таркибига эркин агент сифатида қўшилган швециялик суперҳужумчи Златан Иброҳимович ушбу жамоа раҳбарлари ва мухлисларига ўзининг зўр тўпурар эканини исботлай олди.
Манчестерга келганидан буён бу шаҳар жамоаси учун 38 та ўйин ўтказган футболчи барча турнирларда 26 та гол уришга эришди.
Шундай бўлса-да, Златан Иброҳимовичнинг амалдаги шартномаси 2017 йилнинг ёзигача тузилган. Шартнома томонларнинг истагига биноан яна бир йилга узайтирилиши мумкин.
Лекин Златан Иброҳимович "Манчестер Юнайтед" билан янги шартнома тузишни истамоқда. Унга кўра, швед тўпурари 2019 йилгача жамоада қолмоқчи.
Фикрлар