МЮ ҳужум чизиғида яна бир бельгиялик пайдо бўлиши мумкин

Англиянинг “Манчестер Юнайтед” клуби “Наполи” ҳужумчиси Дрис Мертенсни кўзламоқда.

Етакчи ОАВларнинг хабар беришича “қизил иблислар” 30 ёшли бельгиялик футболчини қишки трансферлар чоғидаёқ сотиб олишни режалаштиришмоқда.

Манкуанликлар бунинг учун “Наполи”га Мертенснинг шартномасида кўрсатилган 28 млн евролик товон пулини тўлашга тайёр.

Эслатиб ўтамиз, МЮ ёзда ўз сафига бошқа бир бельгиялик ҳужумчи Ромелу Лукакуни қўшиб олган эди.