МЮ ўз сафини Пеллегрини билан тўлдирмоқчи

Италиянинг “Рома” клуби ярим ҳимоячиси Лоренцо Пеллегрини “Манчестер Юнайтед” қизқиш доираларига кириб қолган. Бу ҳақда Corriere dello Sport нашри хабар бермоқда.

Манбанинг маълум қилишича, манкунианликлар скаутлари 21 ёшлик хавбекнинг ўйинларини диққат билан кузатиб боришмоқда. Қолаверса, шанба куни “Рома”нинг “Верона”га қарши баҳсини ҳам кўриш учун Италияга ташриф буюришди.  

Душанба куни МЮ вакиллари Пеллегринининг агентидан у ҳақдаги маълумотларни сўрашган.

Маълумот ўрнида, италиялик ўйинчининг римликлар билан тузган шартномаси 2022 йилгача мўлжалланган. Унинг нархи эса 30 миллион еврони ташкил қилади.

Шунингдек, Пеллегрини икки мавсумдан сўнг июлда “Сассуоло”дан Римга қайтган. Унинг учун “Рома” 10 миллион евро сарфлади.