Мадридда Пикега нисбатан ҳуштакбозлик қилишди

Мухлислар кеча бўлиб ўтган Италияга (3:0) қарши баҳс олдидан Испания терма жамоаси ҳимоячиси Херард Пикега нисбатан ҳуштакбозлик қилишди.

Кечаги учрашув Мадриддаги "Сантьяго Бернабеу" стадионида ўтказилди. Айтиш лозимки, “Барселона” футболчиси бундан аввал “Реал”га нисбатан бир неча маротаба кескин фикрлар билдирган эди. Бу эса табиийки стадионга келган “қироллик клуби” мухлисларига ёқмаган.