"Манчестер Сити" - МЮ. Гвардиола бу сафар ҳам Моуриньони енга оладими?

Бу ҳафта АПЛ да бизни ажойиб учрашув кутиб турибди. Шу муносабатлар билан баъзи фикр мулоҳазаларни ҳавола этишни жоиз деб билдик.

Англия Чемпионатининг 33-туридан ўрин олган баҳсда Гвардиола «Манчестер Юнайтед»ни мағлуб этиб чемпионликни расмийлаштириши мумкин. Айниқса, «Ливерпуль»дан учралган мағлубият сабаб ҳозирда «қизил иблислар»га ҳавас қилиш қийин.

«Сити»нинг дерби учун режалари ўзгарганми?

“Тажрибали мураббий «Ливерпул» га қарши ўйинлар ўртасида ўйинчиларни қийнаб қўймайди. Уларнинг ҳордиқ олиши учун шароит яратиб беради, ажойиб «дерби»ни кўрмаймиз”-деб ўйлашган эди мутахассислар. Аммо «Энфилд»даги йирик мағлубият бугунги ўйин учун режаларни ўзгартириб юборди.

Назаримизда, бугун Гвардиола ўша мағлубият тасодиф эканлигини исботлаш, футболчиларда ғалабага бўлган иштиёқни уйғотиш учун майдонга асосий таркибни ташлайди. «МЮ» ва Моуриньо кутгандек сокин ўйин бўлмайди.

Чемпионлар Лигасидаги жавоб ўйини олдидан рақиб устидан ғалаба қозониш зарур.

Тактика қандай танланиши мумкин?

«Сити» да турли вариантлар мавжуд. Улар «3-5-2» ёки «4-3-3» вариантида майдонга тушиши мумкин. «Манчестер»да бир ҳужумчига асосланган «схема» танланади” «4-1-4-1» ёки «4-2-3-1»

Тактикадан шуни англашимиз мумкинки, Гвардиола асосий эътиборни ҳужумга қаратади ҳамда гол уриш йўл ва усулларини қидиради. Моуриньо эса 3 қаторли ҳимоя ва ярим ҳимоячилар билан қарши ҳужумга ўтишга ҳаракат қилади.

Тахминий таркиблар:

“Манчестер Сити” (4-3-3): Эдерсон – Уокер, Стоунз, Отаменди, Ляпорт (Зинченко) – Фернандино, Де Брюйне, Силва (Гюндоган) – Стерлинг, Сане – Агуэро (Жезус).

«Манчестер Юнайтед» (4-1-4-1): Де Хеа – Валенcия, Байи, Смоллинг, Янг – Матич – Мата (Решфорд), Лингард, Погба, Санчес – Лукаку.

Рекорд такрорланадими?

Агар Агуэро жароҳатидан фориғ бўлиб, шу билан бир қаторда ажойиб ўйин кўрсатиб 3та гол урса, эски рекорд такрорланиши мумкин. «Сити» ҳужумчиси “дерби“да 8та голга муаллифлик қилган. Бу борада у Эрик Контана билан бир хил натижа кўрсатиб турибди. Биринчи ўринда бораётган Рунида 11 гол мавжуд. Моуриньо танлаган таркиб ва дарвозабон бунга йўл қўймасликка ҳаракат қилади, албатта

Қарама-қаршиликлар

Лукаку-Отаменди ва Стоунз

«Манчестер Сити» ҳимоявий ўйин кўрсатишга ҳаракат қилган ўйинда Мане ва Салаҳга «дош» бера олишмади. Шунинг учун мураббий Компани ўрнига Отаменде ва Стоунз жуфтлигини тушириши мақсадга мувофиқ. Лукакунинг кучли рақиблар билан омади унчалик юришгани йўқ. Бугун у бунинг аксини исботлаши шарт.

Фернандиньо-Матич

Фернандинони тўхтатиш қанчалар мушкул эканини «Спеcиал Оне» яхши тушунса керак. У ажойиб ўйин кўрсатмоқда. Матичнинг ишончли ўйини орқали «қизил иблис»лар ўз мақсадларига эришишга ҳаракат қилишади. «Челси»дан қабул қилиб олинган, асосан, ҳимояга ёрдам берадиган ярим ҳимоячининг асосий «нишон»и Фернандинио бўлиши аниқ.

Де Брюйне-Янг ва Валенcия

Яна бир собиқ «кўклар» аъзоси Де Бруйне бугунги кунда ярим ҳимоячилар орасида энг кучлилардан бирига айланди. Погба ва Лингарднинг кўпроқ ҳужумга ёрдам беришини ҳисобга олсак, Де Брюйне, бемалол, рақиб жарима майдонигача кириб боришини тахмин қилиш қийин эмас. Шуни ҳисобга олган ҳолда белгиялик ярим ҳимоячига битта яққол футболчини бириктириб қўйиш керак, назаримизда.

Агуэро- Смоллинг

Гвардиолага Агуэронинг ўйинлари жуда ҳам ёқади. Жароҳатини тузата олмаса, унинг ўрнини эгаллаши кутилаётган Жезус ёрқин ўйин кўрсата олмаслиги мумкин. «Ливерпул» билан ўйинда бирорта аниқ зарба бера олмаслик футболчига бўлган ишончни пасайтириб юборди. Бўлажак ўйинга тўлиқ тайёр бўлмасада майдонга тушиши кутилаётган ўйинчининг тажрибаси ўйин тақдирини ҳал қилиши мумкин. Уни Смоллинг ёки Байи қўриқлаши эҳтимоли бор.

Гвардиола-Моуриньо

Ўзаро ўйинларда Гвардиола 10 бора ғалаба қозонган, Жозе 4 марта. 6 ўйинда томонлар муроса йўлини танлашган. Моуриньо бу борада «мум тишлаб қолади» Унинг тажрибаси жуда юқори бўлсада, Гвардиола билан омади юришмайди. Тўплар нисбати 32:20. Бу мураббийлар майдонга олиб тушган жамоалар қарама қаршилигида доимо голлар мавжуд бўлади.

Керакли статистика

-“Манчестер Сити’ АПЛнинг 29 ўйинидан 26тасида ғалаба қозонди. Фақатгина «Ливерпул»га мағлуб бўлди. Ажойиб ўтган ўйинда 7та гол урган эди. Дербида бунча гол кўриш эҳтимоли жуда кам. Чунки “дерби“ларнинг сўнги учтасида «шаҳарликлар» 2 борагина гол уришган.

_”Сити” урилган голлар бўйича биринчи ўринда турибди. Улар 88 бор рақибларини ранжитишган. Тўп оширишдаги аниқлик 88.9 %га тенг. Ҳар ўйинда ўртача 7 бор аниқ зарба беришмоқда.

-Моуриньо орқароқда ўйнашни бошлади. Рақибни эрта кутиб олмаяпти. Шунинг ҳисобига зарбалар сони ўтган йилнинг шу пайтигача ҳисобланган статистикага қаралса, 526тадан 425тага камайган. Аммо аниқлик бироз юқорилаган. Ҳозирдаги «Манчестер Юнайтед» олдингидек кучли эмасдек, аммо биз марказий ўйинда ўзларини кўрсата олишларига ишонамиз.

«Сити» чемпион бўладими?

Англияда Испания давлатидек «чемпионлик йўлаги» қилинмайди. Бироқ Гвардиола бу ўйинда ғалаба қозонмаса, «Ливепул»га қарши жавоб ўйинидан олдин мухлислардаги энг сўнги умидни ҳам қолдирмаган бўлади. «Сити» футболчилари «қизил»ларга қарши «камбек»га ишонишмоқда. Лекин худди шу рангдаги футболкада ўйновчи ҳамшаҳарларимизни мағлуб эта олмасак, бундай баландпарвоз гапларни айтишимиздан фойда бўлмайди”-дейди «Сити» ҳимоячиси Компани

Бу ўйинда асосий ишни футболчиларнинг индивидуал ҳаракатларидан кўра мураббий «имзо»си ҳал қилиб қўйиши мумкин. Португалиялик мутахассис устозининг жамоасини қабул қилиб олгач, худди ўз услубига мос жамоани ярата олди. Икки ҳамшаҳарлар учраши доим АПЛнинг безагига айланади.

Бизнинг тахмин

Гвардиола олдинда турган ўйинлар масъулиятини чуқур ҳис қилган ҳолда футболчиларнинг имконияти нималарга қодир эканлигини исботлашга ҳаракат қилишини тахмин қилиш қийин эмас. Моуриньо қўйган «автобус» га бироз зарар етса, ҳаракатдан тўхташи мумкинлигини инобатга олиб, бу ўйинда шаҳарликларни икки тўп фарқи билан ғалаба қозонишини тахмин қилишимиз мумкин.

 Эркин Ғайбуллаев тайёрлади