"Манчестер Сити" Жезус билан шартномани узайтирмоқчи
Англиянинг “Манчестер Сити” клуби раҳбарияти жамоанинг бразилиялик ҳужумчиси Габриэл Жезус билан амалдаги шартномани узайтирмоқчи ва бунинг учун айни дамда футболчининг вакиллари билан музокаралар олиб бормоқда.
Daily Mail нашрининг маълум қилишича, янги шартномага кўра Жезуснинг маоши ҳафтасига 70 минг фунтга кўтарилиши мумкин.
Таъкидлаш лозимки, 20 ёшли футболчининг “шаҳарликлар” билан амалдаги шартномаси 2021 йилга қадар имзоланган. Аммо, инглиз клуби ушбу келишувни янада узайтирмоқчи.
Маълумот учун, Жезус жорий мавсум жами 6та учрашувда майдонга тушиб, ўз ҳисобига 5та гол ёздириб қўйишга эришган.
Фикрлар