“Манчестер Сити” собиқ футболчиси ўзини “Интер” ва “Милан”га тавсия қилди

Ёзда Англиянинг “Манчестер Сити” клуби билан тузган шартномаси якунига етиб, эркин агентга айланган Бакари Санья ўз хизматларини Италиянинг “Милан” ҳамда “Интер” клубларига таклиф этди.

“FC Inter News” хабарига кўра, футболчи ҳозирда жавоб кутмоқда ва бунда юқорида номи тилга олинган манба Лучано Спалетти жамоасига ўтмоқчи эканлигини  қайд этган.

34 ёшли Санья ёзда ўзига жамоа топа олмаган эди. Унга “Бенфика”, “Спортинг”, “Торино”, “Бешиктош”, “Лестер Сити” ва “Бурсаспор” жамоалари қизиқиш билдирган бўлсада, якунда шартнома имзоланмаган эди.