“Manchester Siti” va “Barselona” klublari “Benfika” darvozaboniga qiziqmoqda

“Benfika” klubi darvozaboni Moraes Ederson uchun “Barselona” va “Manchester Siti” klublari kurash boshlashdi. Taxminlarga ko‘ra, braziliyalik posbonning transferi 20 mln funtga baholanmoqda.

Bu mavsum Portugaliya chempionatida 23 yoshli Ederson 8 o‘yinda maydonga tushib, o‘z darvozasidan 4 gol olib chiqqan. Eslatib o‘tamiz, avvalroq “Manchester Siti” Klaudio Bravo “Barselona”ga qaytmoqchi ekanligi haqida ma’lum qilgan.