Манжукич "Ювентус"дан кетадими?

Туриннинг “Ювентус” клуби бош мураббийи Массимилиано Аллегри ҳужумчи Марио Мажукичга Хитой клубларидан таклиф бўлганлиги ҳақидаги хабарга ўз муносабатини билдирди.

“Манжукич – рақобатбардош футболчи. У ҳеч қачон савияси паст лигада ўйнашга рози бўлмайди. Марио – “Ювентус”да қолади”, – деб Аллегрининг сўзларини келтириб ўтди клуб матбуот хизмати.

Илгарироқ, хорватиялик футболчига Хитойнинг “Хэбэй Чайна” клуби қизиқиш билдираётгани ва унга йилига 15 млн евролик маош таклиф қилгани борасида хабарлар тарқалган эди.