Марадона Тоттини янги йил билан қандай табриклади?

Римнинг “Рома” клуби сардори Франческо Тотти аргентиналик футбол афсонаси – Марадона уни янги йил билан табриклаганини айтди. 56 ёшли собиқ жаҳон чемпиони Тоттига қизил атиргулларга тўла гулдаста юборган.

“Табрик учун катта раҳмат, Диего! Сизни ва оила аъзоларингизга ҳам Янги йил муборак бўлсин!”, - дейди италиялик футболчи ўзининг “Твиттер”даги саҳифасида.

Эслатиб ўтамиз, аввалроқ Тотти фаолиятини МЛСда (АҚШ чемпионати) давом эттириши мумкинлиги ҳақида хабарлар тарқалган эди.