"Марказий" стадионда қандай ўзгаришлар бўлди?
Хабарингиз бор, ўтган йилнинг кузида Қарши шаҳридаги "Марказий" стадионда кенг кўламли реконструкция ишлари бошлаб юборилган эди. Ўтган хафтада ушбу йирик лойиҳанинг биринчи қисми якунланди. Ва стадион 21 000 мухлисни ўз бағрига сиғдира оладиган даражага келтирилди.
Стадионда қандай ўзгаришлар бўлди?
Юқоридаги расмда стадионнинг реконструкция ишларидан аввалги кўриниши тасвирланган. Ўзингиз кўриб турганингиздек, майдон четида югуриш йўлаклари мавжуд...
Ушбу суратда эса реконструкциядан кейинги холатни кўришингиз мумкин. Югуриш йўлаклари олиб ташланган ҳамда трибуна майдонга яқинлаштирилган. Бу эса мухлисларни футболчиларга янада яқинлаштиради.
Стадиондаги яна бир кўзни қувонтирадиган чиҳат шуки, заҳира ўриндиқлари трибунадаги мухлисларнинг мароқли футбол кўришларига халал бермаслиги учун, чуқурроқда жойлаштирилган. Бунақасини юртимизнинг бошқа стадионларида учратмаслигингиз аниқ.
Бу хали ҳаммаси эмас, лойиҳанинг иккинчи ва учинчи қисмларида дарвоза ортидаги трибунанинг иккинчи қавати қурилади, том қисми ярим айвон кўринишида ёпилади ҳамда стадион ҳудудида йирик футбол мактаби ва усти ёпик футбол майдони барпо этилади.
Шунингдек, "Насаф" янги стадионга Кўчмас Телевизион Станция ўрнатишни режалаштирмоқда. Яъни кейинчалик жамоанинг уй учрашувларини узоқ яқиндаги мухлислар телеэкран қаршисида ўтириб томоша қилиш имкониятига эга бўладилар.
Бу қилинаётган ишлар эса жамоада футболни севувчи, ҳақиқий профессионаллар фаолият олиб бораётганидан далолат беради.
Хабарингиз бор, "Насаф" Ўзбекистон кубогининг чорак финалида Қўқоннинг "Қўқон-1912" жамоаси билан куч синашади. Жамоалар ўртасидаги дастлабки баҳс айнан Қарши шаҳридаги замонавий ва кўркам "Марказий" стадионда бўлиб ўтади.
Ушбу очилиш баҳсига футболчилар билан бир қаторда клуб маркетинг бўлими ҳам қизғин ҳозирлик кўрмоқда. Бизга берилган маълумотга кўра очилиш учрашуви ўзига хос тадбир билан бошланади. Бу ҳақида аввалроқ хабар бериб ўтган эдик.
Эслатиб ўтамиз, учшрашув 30 июн куни бўлиб ўтади.
Фикрлар