"Марсель"га ишонган Пайет жамоасиз қолди ёхуд французлар ҳам ундан юз ўгирди
"Марсель" ҳам ўзининг собиқ футболчисини ортга қайтариш учун икки маротаба "Вест Хэм"га мурожаат қилди. Бироқ, французлар таклиф қилган мўмайгина маблағ инглизларга тўғри келмади.
"Вест Хэм" етакчиси Димитри Пайет оиласи билан Францияга қайтиш учун жамоасидан воз кечган эди. "Марсель"нинг таклифини қабул қилмаган "Вест Хэм"га қарши бош кўтарган футболчи бу жамоа формасини киймасликка онт ичганди.
Бу орада Пайет "Марсель"га ишониб, Англиянинг бошқа жамоалари ва Хитой клубларидан келган таклифларнинг барчасига рад жавобини бериб улгарди.
Sky Sports нашрининг маълум қилишича, "Марсель" ҳам Димитри Пайетни олиш ниятидан воз кечди ва трансфер нишонини бошқа футболчиларга қаратишини маълум қилган.
Шу тарқида "Вест Хэм" клуби ва футболчиларининг душманига айланган Димитри Пайет ўртада жамоасиз қолиб кетди.
Фикрлар