“Машъал”нинг янги футболчиларидан дастлабки фикрлар

“Машъал” таништирув маросимини ўтказди. Янги футболчилар қайси рақамларда ўйнаши маълум

Кеча «Машъал» клуби жамоанинг янги мавсумда клуб шарафини ҳимоя қиладиган янги вакилларини таништириб ўтди. Маросимда клуб мутасадди раҳбарлари, жамоа мураббийлар ҳамда мухлислар клуби вакиллари иштирок этишди.

Таништирув маросимида «Машъал»нинг янги аъзоларига рақамларлар тушурилган янги либослари топширилди. Шундан сўнг муборакликларнинг янги аъзолари жамоа ҳақидаги дастлабки фикрларини билдириб ўтишди.

САРДОР РАҲМОНОВ: «МАШЪАЛ»ГА ҚАЙТГАНИМ ЭНГ КАТТА БАХТИМ

Очиғи, яна «Машъал»да эканимдан жуда бахтлиман. Жамоага қайтганим энг катта бахтимдир. Мен учун бу жамоа бегона эмас. Ахир «Машъал» мени танитди, ҳақиқий профессионал қилиб етиштирди. Янги мавсумда менга билдирилган барча ишончларни оқлайман ва мубораклик жонкуяр мухлисларимизни қувонтирамиз.

АБДУЛЛОҲ ОЛИМОВ: «МАШЪАЛ» ЎЗ ТАРИХИГА ЭГА ЖАМОА

Муборакда эканимдан бахтлиман. «Машъал»га келиб хато қилмадим. Чунки бу жамоанинг ўз тарихи, мавқейи бор. Бугун, Ўзбек футболинг кўплаб юлдузларининг фаолиятида «Машъал»нинг меҳнатлари беқиёсдир. Янги мавсумда жамоамиз билан янги марраларни забт этамиз. Фақат бизни суянчиғимиз бўлган мухлисларимиз бизни қўллаб туришса бўлди.

БОБУР ҚОСИМОВ: «МАШЪАЛ»ДА ЎСИШИМГА ИШОНАМАН

Мен «Машъал»нинг барқарор жамоалигини, ҳар қандай рақибни муаммолар гирдобида қолдиришига ишонаман. Бир сўз билан айтадиган бўлсам, «Машъал» сафида яхшигина ўсишимга ишонаман ва жамоамизга янги мавсум давомида омад ҳамроҳ бўлишини тилаб қоламан.

УМЕДЖОН ШАРИПОВ: «МАШЪАЛ»ДА АНЧА ЙИЛЛАР ТЎП ТЕПГАНДЕКМАН

Аввало қардош ва дўст, қўшни юрт бўлган бутун Ўзбек халқини яқинлашиб келаётган «Наврўз» айёми билан чин кўнглимдан табриклайман. Азал азалдан икки қўшни юрт халқи бир бирига дўст ва қадрдон бўлиб келган. Шунинг учундир балки, мен «Машъал» сафида олдиндан анча йил тўп тепгандекман. Муборак менга бегонадек туйилмаяпди. Фаолиятимда бироз пасайиш бўлди. Мен буни албатта ўзгартираман ва ҳали «Машъал» билан буни исботлайман.

ЖАМОЛИДДИН УБАЙДУЛЛАЕВ: «МАШЪАЛ» МЕНГА ЖУДА КАТТА ИШОНЧ БИЛДИРДИ

Янги жамоам менга жуда катта ишонч билдирди. Энди шундай ишончни оқламасам бу катта ҳурматсизликдир. Шундай экан мубораклик мухлисларимизни худо хоҳласа албатта қувонтирамиз. Ўйлайманки, узоқ вақтлар мобайнида “газчилар” таркибида фаолият олиб бораман.

АСИЛЖОН БЕГИМҚУЛОВ: МУХЛИСЛАРСИЗ ЖАМОА ЖАМОА ЭМАС

«Машъал» клубига келганимдан хурсандман. Албатта, мухлисларсиз жамоа жамоа эмас. «Машъал» келажаги бор жамоа чунки «Машъал» клубини пойдевори академияси ҳисобланади. Шуни билган холда машъални танладим.

ИГОР ТИМАНЮК: МЕНИ ИЛИҚ КУТИБ ОЛИШДИ

«Машъал» жамоасига келганимдан хурсандман. Мени жамоа аъзолари, раҳбарият ва мухлислар илиқ кутиб олишди. Жамоага тезда қўшилиб кетдим. «Машъал»да рақобат жуда кучли эканини биламан. Машғулотлар вақтида тинмай ишлаб, асосий таркибда ўйнашга лойиқлигимни исботламоқчиман. Мухлисларни ўз ўйинларим билан хурсанд қиламан, деган умиддаман.