Маскерано “Барселона”нинг умумий гуруҳ машғулотларига қўшилди, аммо...

Хабарингиз бор “Барселона” клуби ҳимоячиси Хавьер Маскерано ҳафта бошида бўлиб ўтган ПСЖга қарши (4:0) УЕФА Чемпионлар лигаси 1/8 финал дастлабки баҳсини жароҳати сабаб ўтказиб юборган эди. Marca нашрининг хабар беришича аргентиналик футболчи жамоа машғулотларига қўшилган.

Маскерано бугун бўлиб ўтадиган “Леганес”га қарши ўйин олдидан жамоанинг умумий гуруҳида машғлот олиб борган, бироқ, мураббийлар штаби аргентиналик футболчига ўзини тўлиқ тиклаб олиши учун бироз дам беришмоқчи. Шу сабабли Маскеранонинг бугунги ўйинда иштирок этмаслик эҳтимоли бор.

Эслатиб ўтамиз, Маскерано “Атлетико”га қарши Испания кубоги ярим финал жавоб учрашувида жароҳат олган эди.