Матич: Чемпионлик учун кураш ҳали якунига етганича йўқ

Англиянинг “Манчестер Юнайтед” клуби ярим ҳимоячиси Неманья Матич премьер-лига ғолиблиги учун кетаётган кураш ҳақида тўхталиб ўтди.

“Мен аввал ҳам айтганман, ҳали олдинда ўйинлар жуда кўп ва биз ҳали чемпионлик пойгасидан чиққанимиз йўқ. Агар биз “Сити”га етиб олишни истасак, деярли барча ўйинларда ғалаба қозонишимиз керак. Албатта, доим ҳам ғалаба қозониш имконсиз, лекин биз бунга ҳаракат қиламиз. Соврин учун кураш ҳали тугамади ва биз бунда иштирок этяпмиз. Биз Чемпионлар лигасида, кубокларда иштирок этяпмиз ва биз ушбу мусобақаларда иложи борича узоқроққа бориш учун қўлимиздан келган барча ишни қиламиз. Ўйлайманки бизда ажойиб жамоа йиғилган. Биз ҳозир иккинчи ўриндамиз ва бу ёмон эмас. Ҳа, биз биринчи ўриндаги жамоадан 11 очкога ортда қоляпмиз, лекин, биз бўлажак ўйинларда ўз натижамизни яхшилашга ҳаракат қиламиз”, - дейди сербиялик футболчи.

Эслатиб ўтамиз, Матич МЮга ўтган ёзги трансферлар даврида Лондоннинг "Челси" клубидан келиб қўшилган эди.