Мэнни Пакьяо қачон фаолиятини якунлашини маълум қилди

  • 20 апрель, 2018, 16:08
  • 0
  • Бокс

Саккиз вазн тоифасининг собиқ жаҳон чемпиони Мэнни Пакьяо фаолиятини WBA чемпиони Лукас Матиссега қарши жанг билан қайта бошлайди. Ушбу тўқнашув 15 июл куни Куала-Лумпурда бўлиб ўтади.

Пакьяонинг сўзларига кўра, бу унинг охирги жанги бўлмайди. У фаолиятини Филиппинда тугатишни мақсад қилган.

– Биламан, Малайзияда мени кўплаб ҳамюртларим қўллаб-қувватлайди, аммо бу аниқ охирги жангим эмас. Мен профессионал рингдаги фаолиятимни Филиппиндаги жанг билан якунлайман, бироқ бу вақтгача яна бир нечта беллашув ўтказаман, – дея Пакьяонинг сўзларини келтиради Boxingscene нашри.

Филиппинлик боксчи фаолиятини 1995 йилда бошлаган. У саккиз вазн тоифасида жаҳон чемпионлигини қўлга киритган ягона боксчи. 2016 йилда Пакьяо фаолиятини якунлаганини маълум қилган эди, бироқ бир неча ой ўтиб, рингга қайтишга қарор қилди. У сўнгги марта 2017 йил Жефф Хорнга очколар бўйича имкониятни бой берган.

Фикрлар

Саралаш
Фикр қолдириш учун авторизациядан ўтинг!