Месси "Барселона" сафида Ла лигадаги 400-ўйинини ўтказди

“Барселона” ҳужумчиси Лионель Месси Испания Ла лигаси 18-туридан ўрин олган “Леванте”га қарши баҳсда иштирок этди. Бу аргентиналик футболчининг Испания чемпионатида “Барселона” сафида ўтказган 400-ўйини бўлди.

Маълумот учун, Месси 2004 йил “Барса” сафида Ла лигада дебют қилган эди. У бугунга қадар ўтказган 400 та ўйинида 365 та гол киритишга эришди.

Қайд этиш жоиз, Андрес Иньеста эса бугун “Барселона” сафида ўзининг 650-ўйинини ўтказди.