Месси жарима зарбаларидан гол уриш бўйича Роналдиньо рекордини такрорлади
“Барселона” жамоаси ҳужумчиси Лионель Месси “Леганес”га қарши (3:1) Ла Лига 31-тур учрашувида хет-трик муаллифига айланиб, жамоасининг ғалабасига улкан ҳисса қўшди.
Учрашувнинг 27-дақиқасида аргентикалик футболчи рақиб дарвозасини жарима зарбасидан ишғол қилиш уддасидан чиқди. Бу гол Месси учун жорий мавсумда жарима зарбаларидан киритган 6-си бўлди.
Шу тариқа, Месси 2006/07 йилги мавсумда “Барселона” собиқ футболчиси Роналдиньонинг рекордини такрорлашга муваффақ бўлди.
Қайд этиш керакки, Месси ушбу ўйиндан кейин каталонияликлар сафида киритган хет-триклари сонини 40 тага етказиб олди. Аргентиналик, шунингдек, “Барселона”да 40 марта жарима зарбасидан гол урди.
Фикрлар