Месси ва Неймарнинг кўп маош олиши Роналдунинг ғашини келтирмоқда, аммо "Реал"...

Мадриднинг “Реал” клуби раҳбарияти айни дамда жамоа ҳужумчиси Криштиану Роналду билан янги шартнома имзолашга ва унинг маошини кескин оширишга ҳамда дунёнинг энг кўп маош олувчи футболчисига айлантиришни режалаштирмаяпти.

Бир қатор испан ОАВларининг ёзишича 32 ёшли португалиялик футболчи ўзининг “Реал” билан 2021 йилга қадар имзоланган амалдаги шартномаси шартларини янада яхшилашни талаб қилмоқда. Айтиш лозимки, “Барселона” ҳужумчиси Лионель Месси ҳамда ПСЖ форварди Неймар айни дамда Роналдудан кўра кўпроқ маош олмоқда ва бу ўз навбатида Криштиануга ёқмаяпти.

Маълумот учун, 30 ёшли аргентиналик футболчининг яқиндагина “Барселона” билан имзолаган янги шартномасига йиллик маоши 50 млн еврони ташкил этади.