“Металлург” – “Сўғдиёна”. Кичик устунлик жиззахликлар томонида

9 май, 08:39 231

“Металлург” – “Сўғдиёна”. Кичик устунлик жиззахликлар томонида

 

Миллий чемпионатларимизнинг дастлабки йилларида анча муваффақиятли қатнашган Жиззахнинг “Сўғдиёна” жамоасига қарши “Металлург” муваффақиятли ўйнаб келаётган рақиблардан саналади.

Мазкур жамоалар бугунгача олий лига мусобақаларида ўзаро 30 та ўйин ўтказишган. Шулардан 11 тасида бекободликлар, 12 тасида жиззахликлар ғалаба қозонишган. 7 та учрашувда эса  дуранг натижа қайд этилган. Киритилган ва ўтказиб юборилган тўплар фарқи жиззахликлар фойдасига – 44:40.

Мазкур жамоалар ўртасида қайд этилган энг йирик ҳисоб 4:0. “Сўғдиёна” ўз майдонида ҳам, сафарда ҳам бир мартадан шундай ҳисобда зафар қучган. Энг голларга бой ўйин 2014 йили Зоминдаги стадионда бўлиб ўтган учрашувда кузатилган. Унда дарвозаларга тўққизта тўп киритилган. “Металлург” жамоаси ҳам бир марта ҳам ўз майдонида, ҳамда сафарда битта мавсумнинг ўзида ғалаба нашидасини сурган.

Ушбу жамоаларнинг Бекободда ўтказилган ўйинлар нисбати “Металлург” фойдасига: 9 ғалаба, 3 дуранг, 3 мағлубият, киритилган ва ўтказиб юборилган голлар фарқи – 24:18.

Ўтган мавсумнинг очилиш учрашуви бўлган Бекободдаги ўйинда Зоҳид Абдуллаев 37-дақиқада ҳисобни очган бўлса, 88-дақиқада Фаррух Шотурсунов ҳисобни тенглаштирганди. Фақатгина сўнгги сонияларда бекободликлар ғалаба тўпини киритишган муваффақ бўлганди. Уни ҳам “Металлург” Зоҳид Абдуллаев киритганди. Қизиғи шундаки, жиззахликларнинг ягона жавоб голи муаллифи Шотурсунов иккинчи даврада  “Металлург” шарафини ҳимоя этганди.

 Бекободда ўтган сўнгги олти учрашув:

05.03.2016 «Металлург» - «Сўғдиёна» 2:1

26.08.2015 «Металлург» - «Сўғдиёна» 1:2

14.05.2014 «Металлург» - «Сўғдиёна» 4:2

20.04.2013 «Металлург» - «Сўғдиёна» 2:1

10.06.2011 «Металлург» - «Сўғдиёна» 3:2

18.05.2009 «Металлург» - «Сўғдиёна» 3:1

Ижтимоий тармоқлар

Бизни ижтимоий тармоқларда кузатиб боринг!

.