"Металлург" - "Навбаҳор" учрашуви ҳақида маълумотлар

14 апрель, 14:30 291

 

"Навбаҳор" олий лига 6-тур ўйинлари доирасида Бекободнинг “Металлург” клуби меҳмони бўлади. Ушбу беллашув олдидан “Навбаҳор” матбуот хизмати ўйинга оид маълумотларни тақдим этди.

Жамоалар Ўзбекистон чемпионатлари тарихида ўзаро 38 бор куч синашишган. 18 учрашувда “Навбаҳор” ғалабани тантана қилган. “Металлург”нинг ғалабалари сони эса 11 тани ташкил этмоқда. Тўққиз учрашув дуранг билан якун топган. Тўплар фарқи 60-44, “Навбаҳор” фойдасига. Ушбу жамоаларнинг ўзаро қарама-қаршиликларидаги энг йирик ҳисоб 2003 йили қайд этилган. Ўшанда “лочинлар” «Металлург»дан 7:0 ҳисобида устун келганди. Яна учта учрашувда “Навбаҳор” 3:0 натижа билан зафар қучган. Бекободликларнинг наманганликлар устидан ўз тарихида қозонган энг йирик ғалабаси ўтган мавсумга тўғри келади. Олий лиганинг ўтган мавсумида (28- тур) "лочинлар" ушбу рақибга сафарда 5:1 ҳисобида ютқазишган. Дастлаб учрашувда ҳисобни Абдумалик Абдуллаев очган бўлса, сўнгра "Металлург" беш маротаба дарвозани аниқ нишонга олган.

Эътиборлиси, "лочинлар" Бекободда кечган 17 ўйиннинг фақатгина учтасида 3 очкони қўлга киритишган. Илк бор "навбаҳорчилар" 2007 йилда "Металлург"ни ўз уйида мағлуб этишган. 2010 йилда Юрий Целихнинг "дубли" "Навбаҳор"га "Металлург" майдонидаги иккинчи ғалабани тақдим этган. Беш йиллик танаффусдан сўнг, яъни 2015 йилги қарама-қаршиликда "навбаҳорчилар" Бекободдан муваффақият билан қайтишган. Ўшанда Қаҳрамон Маҳаммаджонов, Дилшод Жабборов ва Шаҳбоз Эркиновнинг голлари ютуқни таъминлаган. Ўзаро тўқнашувларда собиқ ҳужумчи Шуҳрат Мирхолдиршоев тўпурарлик қилмоқда. Футболчи бекободлик дарвозабонларни жами 12 маротаба ранжитган.

Қуйида жамоаларнинг Бекободдаги ўзаро ўйинлари натижалари билан танишиш имконига эга бўласиз:

1998 йил

"Металлург" - "Навбаҳор" - 2:0 (0:0).

Голлар: Зухриддин Акбаров (65,89-пен.).

1999 йил

"Металлург" - "Навбаҳор" - 1:1 (0:0).

Голлар: Ғ. Одилов (82) – Ш. Раҳмонқулов (87).

2000 йил

"Металлург" - "Навбаҳор" - 3:0 (2:0).

Голлар: У. Мирхолдиршоев (10,85), У. Рўзимов (45).

2001 йил

"Металлург" - "Навбаҳор" - 3:2 (2:0).

Голлар: Ш. Асатов (29), Ғ. Одилов (37), А. Рибаков (72) – Ш. Мирхолдиршоев (82-пен.,88).

2002 йил

"Металлург" - "Навбаҳор" - 2:1 (1:0).

Голлар: А. Мочинов (27), В. Пономарёв (70) – Х. Каримов (48–пен.).

2003 йил

"Металлург" - "Навбаҳор" - 1:1 (0:0).

Голлар: А.Мочинов (76) – И.Мўминжонов (85).

2004 йил

"Металлург" - "Навбаҳор" - 4:3 (1:1).

Голлар: Ш. Саидов (32), Ҳ. Ҳошимов (66–пен.), Е. Ежов (69), А. Абдуллаев (86) –Ш. Мирхолдиршоев (23,63,90–пен.).

2005 йил

"Металлург" - "Навбаҳор" - 1:0 (0:0).

Гол: М. Пўлатов (81-автогол).

2006 йил

"Металлург" - "Навбаҳор" - 1:1 (0:1).

Голлар: М. Қурбонов (77) – Ё. Назаров (42).

2007 йил

"Металлург" - "Навбаҳор" - 1:2

Голлар: З.Абдуллаев (45+2) - К.Боев (19), В.Баранов (38).

2008 йил

"Металлург" - "Навбаҳор" - 2:2 (1:1).

Голлар: З. Абдуллаев (24,89) – Д. Жабборов (12), Ж. Ибрагимов (56).

2009 йил

"Металлург" - "Навбаҳор" - 2:0 (1:0).

Голлар: З. Абдуллаев (30), У. Тожимов (62)

2010 йил

"Металлург" - "Навбаҳор" - 0:2 (0:0).

Голлар: Ю. Целих (77,90+3).

2011 йил

"Металлург" - "Навбаҳор" - 0:0.

2012 йил

"Металлург" - "Навбаҳор" - 0:0.

2013 йил

"Металлург" - "Навбаҳор" - 2:1 (0:0).

Голлар: С. Расулов (48, 53), - Р. Аҳмедов (90+2 пен)

2014 йил

"Металлург" - "Навбаҳор" - 2:0 (1:0).

Голлар: А. Ковалёв (25), А. Зиёвутдинов (49)

2015 йил

"Металлург" - "Навбаҳор" - 2:3 (0:1).

Голлар: Ш. Нурматов (75, 90+2) - Қ. Махамаджонов (14), Д. Жабборов (54), Ш. Эркинов (83).

2016 йил

"Металлург" - "Навбаҳор" - 5:1 (4:1).

Голлар: М. Томатов (22), З. Абдуллаев (32, 43), Д. Каримов (45), Ж. Эсонқулов (73) - А. Абдуллаев (10)