Мэйвезер - Макгрегор баҳсида ким ютади?

  • 5 февраль, 2017, 11:15
  • 0
  • Бокс
 

Енгилмас профессионал боксчи Флойд Мэйвезер ва аралаш жанг устаси Конор Макгрегор жанги бугунги кунда яккакурашлар оласида жнг кўп баҳс-мунозарага сабаб бўлаётган воқеа ҳисобланади.

Ҳар икки спортчи ҳам ўзаро куч синашиш истагини билдирган. Хусусан, фаолиятини якунлаган Флойд Мэйвезер фақатгина Макгрегорга қарши бўладиган жанг уни рингга қайтириши мумкинлигини айтган. Конор эса Флойд билан беллашиш учун боксчилик лицензиясини олди.

Аралаш жанг санъатлари - UFC бўйича ярим енгил вазндаги чемпион Жозе Алду икки спорт юлдузининг ўзаро баҳси ҳақида гапирди.

- Бу жанг ҳали ташкил этилгани йўқ, - деди Жозе Алду. - Бу борада айрим муаммолар бор. Шундай бўлса-да, агар Конор ва Флойд рингга чиқиб, бокс тушса, Макгрегорда ғалаба қозониш учун ҳеч қандай имконият бўлмайди. Конор замонамизнинг энг кучли профессионал боксчи билан қандай қилиб бокс тушмоқчи? Буни ақлимга сиғдиролмайман.

Мэйвезер профессионал боксда 49 та жангнинг барчасида зафар қучган. Конор агар Флойдга қарши жанг бўлма-са, Мэйвезернинг азалий рақиби Мэнни Пакьяога қарши рингга чиқишини маълум қилган.

SPORTS.uz

Фикрлар

Фикр қолдириш учун авторизациядан ўтинг!